Teksa e premtja e parë e sezonit po afrohet, 19-vjeçarja nga Gjirokastra, Andonia Dobi, nuk do të rikthehet si asistente në “Zonë e Lirë”, siҫ ishte menduar. Pasi qëndroi në krah të Ҫanit për disa javë, bukuroshja u largua drejt Italisë për të marrë pjesë në një projekt të ri modelingu, për të cilin kishte nënshkruar edhe një kontratë. Pak pas largimit të saj, edhe vetë Çani tha në emision se Andonia do të kthehej sërish në shtator si asistente në emisionin e tij. Për këtë arsye, javët e fundit të sezonit, në krah të Ҫanit ishte balerina e Tv Klan, Albana Dapi, e cila po ashtu tha se ky pozicion ishte i përkohshëm për të. Por kush do të jetë Sofia e re në shtator? Në një prononcim të fundit, Andonia thotë se ajo nuk do të jetë më asistente e Ҫanit. Tani ajo po merret me një projekt të ri, ndaj edhe e ka të vështirë t’i bëjë të dyja angazhimet njëherësh: “Nuk do të jem pjesë e “Zonës së lirë” në sezonin që fillon në vjeshtë, sepse momentalisht dhe në vazhdim do jem e angazhuar në një projekt që nuk më lejon të marr pjesë në të dyja angazhimet” – tha Andonia për revistën ‘Class’. Modelja gjirokastrite është e dyta “Sofi” që i ikën nga emisioni gazetarit Arian Çani. Më herët, Romina Alku biondja simpatike e historike e “Zonë e Lirë”, la punën për shkak të batutave të tepruara të gazetarit.
Çfarë thotë Sofia për largimin përfundimtar nga “Zonë e Lirë”
