Charles III shpallet sot zyrtarisht mbret përmes një ceremonie historike në Pallatin St James. Flamujt e ulur në shenjë zie për mbretëreshën e ndjerë u valëviten sot në shtizë të plotë pas mbledhjes së Këshillit të Aderimit, që u transmetua për herë të parë në televizion. Ceremonia vjen një ditë pas fjalimit të mbretit, i cili u zotua të ndjekë hapat e të ëmës.
“Mamasë sime të dashur, ndërsa fillon udhëtimin e fundit për t’u bashkuar me atin tim të ndjerë, dua thjesht t`i them: Faleminderit. Faleminderit për dashurinë dhe përkushtimin tuaj ndaj familjes sonë dhe ndaj familjes së kombeve të cilave i keni shërbyer me kaq zell gjatë këtyre viteve. Atë premtim për shërbim të përjetshëm e bëj para të gjithëve sot. Ashtu siç veproi vetë mbretëresha me një përkushtim të palëkundur, edhe unë premtoj solemnisht se gjatë gjithë kohës së mbetur që me jep Zoti, do të ruaj parimet kushtetuese në themel të kombit tonë”, tha Charles.
