Charlie Sheen ka treguar se prej një jave ka ndërprerë mjekimin nga doktori i tij pasi po kërkon një tjetër mjekim në Meksikë.
“Që prej një jave unë kam ndërprerë mjekimin tim. A po rrezikoj jetën? Sigurisht. Po pastaj? Unë kam lindur i vdekur. Pra as që më shqetëson fare kjo pjesë” është shprehur aktori në një intervistë të dhënë së fundmi.
Dr Chachoua po punon për prodhimin e vaksinës së Sidës dhe është shumë i bindur në punën e tij aq sa i ka injektuar vetes së tij pika gjaku të Charlie. Në një intervistë të dhënë, doktori është shprehur: “Mora gjak nga Charlie dhe ia injektova trupit tim dhe i thashë atij se nëse mendon se unë nuk po bëj gjënë e duhur atëherë jemi të dy në rrezik”.
