Charlize Theron, një thirrje të rinjve

Charlize Theron iu ka drejtuar një thirrje të rinjve për t’i dhënë fund epidemisë së AIDS deri në vitin 2030. Në një fjalim të mbajtur në Afrikën Jugore, në “Konferencën Ndërkombëtare të AIDS”, aktorja hollivudiane ka folur rreth dëshirës së saj për t’i dhënë fund kësaj epidemie. “Që prej konferencës së parë në 1985, numri i të prekurve është rritur. Ka ardhur koha që ta ulim këtë numër. Duhet t’i vëmë një qëllim vetes për t’i dhënë fund epidemisë së AIDS deri në vitin 2030”, është shprehur ajo. “Arsyeja e vërtetë se pse ne nuk e kemi luftuar këtë sëmundje është se ne vlerësojme jetën e meshkujve më shumë se atë të femrave, dashurinë burrë-grua sesa atë të gay-ve, lëkurën e bardhë sesa atë me ngjyrë, njerëzit e pasur sesa ata të varfër, të rriturit më shumë sesa adoleshentët”. Charlize ka zbuluar gjithashtu se do të financojë një fushatë përmes projektit të saj, për të inkurajuar të rinjtë, t’i japin fund kësaj padrejtësie sociale në mënyrë që t’i japim fund luftës kundër AIDS.