Chiara Ferragni dhe Fedez i kanë dhënë fund martesë së tyre pas gjashtë vitesh dhe dy fëmijëve, Leone dhe Vittoria. Sipas mediave italiane dyshja tani janë gati të nënshkruajnë një marrëveshje divorci konsensuale.
Avokatët përkatës kanë njoftuar se, pas negociatave të gjata, çifti ka nënshkruar marrëveshjen e ndarjes dhe divorcit të njëkohshëm, e cila do të depozitohet së shpejti në Gjykatën e Milanos. Më pas gjyqtarët do të vendosin për divorcin përfundimtar brenda gjashtë muajve.
Në shënimin e lëshuar nga avokatët shkruhej: “Leone dhe Vittoria do të qëndrojnë me mamin dhe babin për afërsisht të njëjtat periudha, gjatë të cilave secili prind do të kujdeset për mirëmbajtjen e tyre. Fedez, siç e kishte kërkuar vetë, do të paguajë, drejtpërdrejt dhe tërësisht, shkollat, shpenzimet mjekësore dhe shpenzimet për aktivitetet sportive të fëmijëve”.
Megjithatë, ai nuk do t’i paguajë ish-bashkëshortes asnjë mbështetje për fëmijë (përflitet për një kërkesë rreth 20 mijë euro në muaj): për faktin e thjeshtë që Chiara Ferragni mund të sigurojë qartë gjithçka që u nevojitet, bazuar në pasuritë e saj, pa mbështetjen e Fedez. Për të mos përmendur, siç thekson Corriere della Sera, që një përfundim i tillë do të ishte ndeshur me imazhin e emancipimit femëror të ndërtuar me kujdes me kalimin e kohës nga influencuerja.
Do të ishte zgjidhur edhe çështja e ekspozimit të fëmijëve në rrjetet sociale: Chiara dhe Fedez do të duhet të kërkojnë lejen e njëri-tjetrit përpara se të postojnë foto ose video të tyre.
