Raporti mes Chiara Ferragni dhe Fedez ka qenë në qendër të mediave kohët e fundit, sidomos pas akuzave për tradhti që e kanë përfshirë çiftin. Ndërsa Fedez është përfolur për një lidhje jashtëmartesore me Angelica Montini, gazetari italian Fabrizio Corona ka hedhur dyshime edhe mbi Chiara-n, duke pretenduar se ajo kishte një marrëdhënie me këngëtarin Achille Lauro.
Së fundmi, Lauro ka reaguar për këto thashetheme gjatë një konference për shtyp, duke u distancuar nga zërat që e lidhin me influencuesen e njohur.
“Për fatin tim, unë ende jetoj në një botë plot ëndrra dhe ëndërrimtarë. Thashethemet ua lë atyre që ju duhet vetëm kaq që të ekzistojnë,” tha ai, duke theksuar se këto aludime, që prekin jetën private të njerëzve, janë çështje të ndjeshme dhe duhet të trajtohen me të njëjtën seriozitet si dhuna.
Këngëtari, i cili është pjesëmarrës në festivalin e Sanremos, duket se dëshiron të mbajë fokusin te muzika dhe performanca e tij, pa u ndikuar nga spekulimet që qarkullojnë në media.
