Jemi mësuar t’i shohim ngjyrat e ndezura vetëm në stinën e verës kur temperaturat janë të larta, por Chiara Ferragni na sugjeron t’i veshim edhe në dimër. Kemi parë të renditen në trendet e momentit ngjyrat e tokës si: kafe e lehtë, bezhë, gri etj, por bloggerja duket se po promovon një stil që shumë persona po e pëlqejnë.
Ajo poston shpesh foto në ‘Instagram’ me veshje në ngjyra të ndezura ose fosforeshente dhe që kanë shkëlqim. Nga fustanet e shkurtra në ngjyrë jeshile deri tek palltot e dimrit në ngjyrë të verdhë të ndezur, Chiara na ka treguar të gjithëve se stina nuk të kushtëzon për të veshur të gjitha ngjyrat.
Ferragni është një nga bloggeret më të njohura në Itali, por jo vetëm. Ajo numëron mbi 15,7 milionë ndjekës në ‘Instagram-in’ e saj./revistawho.com
