Chris Brown bëhet baba për herë të dytë, ish-partnerja sjell në jetë një djalë

Chris Brown është bërë baba për herë të dytë, sepse ish e dashura e tij, Ammika Harris, ka sjellë në jetë një djalë. Edhe pse këngëtari dhe ish-partnerja nuk e kanë konfirmuar publikisht lajmin, fansat kanë filluar t’i urojnë për këtë moment të rëndësishëm. Megjithatë përmes postimeve në rrjete sociale Ammika dhe Chris kanë pranuar në një farë mënyre këtë lajm. “U dashurova me ty kur të pashë për herë të parë”, ka shkruar Ammika në një postim në ‘Instagram’. Ndërsa Brown publikoi një foto shoqëruar me datën “11-20-2019”, që mund të jetë dita e lindjes së vogëlushit. Lajmi për shtatzëninë e Ammika-s u përhap gjatë muajit qershor, edhe pse detajet për lidhjen e saj me artistin nuk dihen ende. Ata të dy u panë bashkë për herë të parë në fillim të këtij viti, por askush nuk e di se si lindi romanca mes të dyve. Përveç djalit të sapolindur, Chris ka dhe një vajzë të quajtur Royalty, e cila erdhi në jetë nga Nia Guzman. /revistawho.com