Chris Brown bën dokumentar për veten, tregon si rrihte Rihanën

Chris Brown është duke realizuar një dokumentar të titulluar “Welcome to My Life”. Këngëtari i hitit “Loyal” ka bërë publik këtë projekt duke postuar një poster të dokumentarit në rrjetin social Instagram, bashkangjitur së cilës shkruan: “Së shpejti”. Në posterin e publikuar, Chris shihet i ulur ndërkohë që ka kryqëzuar këmbët, sipër të cilit shkruhet: “Ai u shndërrua nga djali i ëmbël amerikan në armikun kryesor të publikut”. Chris nuk ka dhënë detaje të mëtejshme rreth këtij dokumentari me regji të Andrew Sandler. Flitet se ky dokumentar do të flas për kulmin e karrierës së tij si edhe problemet e jetës personale, përfshi edhe dhunën e ushtruar tek ish e dashura e tij, Rihanna.