Këngëtarja me famë ndërkombëtare, Rihanna është shprehur së fundmi se është e shqetësuar për konfliktin e Chris Brown me Offset. Herë pas here Brown ka publikuar në ‘Instagram’, shprehje ofenduese kundër reperit tjetër, partnerit aktual të Cardi B, Offset.
Duket se problemet e tyre nuk kanë arritur të zgjidhen edhe pas kaq kohësh, ndaj kjo e ka shqetësuar mjaftueshëm Rihannën, pasi këngëtarja e ka akoma përzemër Chris.
Riri nuk është e fokusuar tek “sherri”, por te fakti se pse reperi duhet të sillet në këtë mënyrë. Ylli i pop-it mendon se nuk është normale që burrat të zihen ‘online’, në rrjetet sociale në atë lloj mënyre.
Ndonëse ky shqetësim i saj mund t’i habisë të gjithë, duket qartë se këngëtarja ruan ende kujtime të mira nga periudha kur ishte në një lidhje me Chris.
Kujtojmë se Rihanna dhe Chris Brown nisën lidhjen e tyre në vitin 2005 dhe midis shumë problemesh dhe zënkash të çiftit, ata vazhduan ta mbanin gjallë marrëdhënien deri në vitin 2012.
Ata u ndanë përfundimisht, pasi reperi e dhunoi këngëtaren dhe fotot e saj pas këtij konflikti qarkulluan në gjithë mediat ndërkombëtare dhe tronditën publikun./revistawho.com
