Chris Brown nuk e ka harruar Rihanna-n, është gati të rikthehet sërish me të

Lidhja mes Rihanna-s dhe Chris Brown ka qenë një nga më të komplikuarat të showbiz-it dhe ndarja mes tyre ishte vërtetë e bujshme. Pavarësisht se tashmë kanë kaluar vite nga ndarja e tyre duket se Chris nuk e ka harruar ende ish të dashurën e tij. Pak ditë më parë ai la një koment flirtues në një foto të këngëtares dhe të gjithë mbeten të habitur. Burime për ‘HollywoodLife’ kanë treguar se Chris vazhdon të ketë ndjenja për Rihanna-n dhe tani e kupton se çfarë ka humbur. “Chris nuk do ndalet asnjëherë së dashuri Rihanna-n, ai tani e di më mirë se kurrë më parë se çfarë ka pasur dhe gjithmonë mendon si mund të kishte shkuar lidhja mes tyre. Kur ai shikon kur ajo performon apo foto të bukura të saj mendon se ata duhet të jenë bashkë”, kanë thënë burimet. Megjithatë ata kanë shtuar se e di shumë mirë se Rihanna ka vazhduar para me jetën e saj, por beson se ajo është shpirti i tij binjak. Këngëtarja e njohur prej dy vitesh ka nisur një histori të bukur dashurie me miliarderin Hassan Jameel dhe gjithçka mes tyre duket shumë serioze, sepse shpesh janë parë në shoqërinë e familjeve të njëri-tjetrit. /revistawho.com