Chris Rock duket se nuk ka ndërmend ta falë Will Smith, edhe pse ky i fundit i kërkoi falje publike sërish me një video të publikuar disa orë më parë. Rock i ka hedhur benzinë zjarrit duke e krahasuar Smith me ish-producentin dhe aktualisht të burgosurin, Suge Knight. Knight është një ish-producent i muzikës amerikane, i cili po vuan një dënim me 28 vjet burg pasi vrau një biznesmen më 29 janar 2015.
“Të gjithë po përpiqen të jenë viktimë e sulmit. Nëse të gjithë pretendojnë se janë viktimë, atëherë askush nuk do t’i dëgjojë viktimat e vërteta. Madje edhe unë që u godita nga Suge Smith… Shkova në punë të nesërmen… Kushdo që thotë fjalën ‘i lënduar’ nuk është goditur kurrë me grusht në fytyrë”, tha Rock, 57 vjeç, gjatë një shfaqjeje në ‘Atlanta’s Fox Theatre’, raporton “People”.
