Moderatorja Sharon Osbourne ka vendosur së fundmi t’i përgjigjet ngacmimeve të modeles Chrissy Teigen. Pas komentit të Sharon-it mbi këngën e re të John Legend “Baby it’s cold outside”, duke thënë se rikrijimi i kësaj kënge nga artisti, ishte pak agresiv, Chrissy ka reaguar ashpër duke acaruar edhe më shumë situatën. “Sharon gjithmonë ka diçka për të thënë, kjo është puna e saj. I kujtoj ende ato ditë kur flisje budallëqe për para”, ka qenë komenti i modeles, e duket se ka marrë kundërpërgjigjen për këtë. “Është interesant fakti që ti i mban mend ende shfaqjet e mia, duke marrë parasysh se shfaqja jote u anullua një vit më pas”, shprehet Sharon. Pavarësisht mosmarrëveshjeve të tyre, moderatorja e vlerëson shumë faktin që Chrissy e mbron në këtë mënyrë bashkëshortin e saj.
