Chrissy Teigen nuk i duhet të shqetësohet më për djersitjen në sqetulla, falë botoksit. Ditën e djeshme ish-modelja ka treguar se ka vendosur botoks në pjesën e sqetullave për të ndaluar djersitjen. Ajo ka publikuar në ‘Instagram’ një video në të cilën tregon të gjithë procedurën dhe thotë se kjo ka qenë gjëja më e mirë që ka bërë për veten. Gjithashtu ajo është shprehur e lumtur që tani mund të veshë sërish mëndafsh pa pasur frikë se mund të djersitet. Në videot e publikuara Chrissy shihet e shtrirë në shtrat, ndërkohë që doktori injekton botoksin në sqetulla. Ajo dukej paksa nervoze në video, por gjithçka mori fund shpejt, sepse procedura zgjati vetë pak minuta.
Chrissy është treguar gjithmonë e hapur me ndjekësit e saj për çështjet e shëndetit. Në fillim të këtij muaji ajo rrëfeu se nuk ndjehej vetvetja dhe se mendonte se të gjithë këtë ja shkaktonte problemi me ulcerën. Gjithashtu ajo ka qenë ndër personazhet e parë që ka folur publikisht për problemet me depresionin pas lindjes së vajzës, Luna, në vitin 2016. /revistawho.com
