Pas disa vitesh nga një ndër momentet më të komentuara në televizionin shqiptar, Gerta Gixhari dhe Mimoza Ahmeti u përballën sërish në një studio – këtë herë në emisionin “Goca dhe Gra”.
Kujtojmë se fragmenti viral ku Mimoza, me ton të lartë, iu drejtua Gertës me fjalët: “Ç’i keni këto emisione PASH ZOTIN? Nuk ftohet një personalitet për t’i ndërprerë fjalën!”, u bë menjëherë hit në rrjetet sociale dhe u shndërrua në meme e batutë të përdorur gjerësisht.
Gjatë intervistës së fundit, Gerta nuk nguroi ta rikthente atë moment në bisedë:
Gerta: “Në këtë moment kaq viral tonin, që në fakt bëri namin në rrjete sociale, je ndjerë keq apo ke qeshur? Se unë personalisht kam qeshur shumë.”
Por Mimoza ia ktheu me qetësinë e saj karakteristike:
Mimoza: “Unë atë nuk e bëra pa e ditur se ku jam dhe pse e bëra. E dija unë. Dhe ti atë që bëre, e bëre duke e ditur se kush jam dhe si e bëre.”
Përballja ishte e qetë, por e ngarkuar me intensitet emocional, teksa dy figurat rikujtuan një ndër ndërhyrjet më ikonike në televizion.
