Amal takoi prindërit e George Clooney ditën që takoi dhe aktorin.
George thotë se e takoi Amalin në shtëpinë e tij. Në korrik të vitit 2013, një mik i tij e pyeti nëse mund të sillnin një mikeshë në shtëpinë e tij pranë liqenit të Komos, Itali.
“Një mik i yni i përbashkët tha: “A mund ta sjell mikeshën time?”, kujton George. “Dhe unë thashë: “Sigurisht!”
Me sa duket, shumë njerëz kishin një parandjenjë se duhej të ishin bashkë, sepse agjenti i George e thirri për t’i thënë se duhet ta merrte seriozisht këtë takim.
“Kam marrë një telefonatë nga agjenti im i cili më tha: ‘Kam takuar këtë grua që po vjen në shtëpinë tënde, me të cilën do të martohesh’, tha George. “Vërtet funksionoi në atë mënyrë.”
Ai shtoi, “Gjëja më qesharake ishte që nëna dhe babai im po më vizitonin, kështu që prindërit e mi ishin atje. Dhe ne thjesht folëm, qëndruam zgjuar gjithë natën duke folur. Dhe mora adresën e saj të emailit, sepse ajo do të më dërgonte disa fotografi të prindërve të mi. Kështu filluam të shkruanim. Nuk e dija nëse ajo donte të dilte me mua – thjesht mendova se ishim shokë.”
Nick Jonas u ul në një gju herën e parë që takoi Priyanka Chopra.
Para se çifti të takohej, Jonas i dërgoi një mesazh aktores në Twitter dhe i tha: “Po dëgjoj nga disa miq të përbashkët që duhet të takohemi,” tha ai për Vogue.
Ata dërguan mesazhe, por nuk u takuan deri në festën e Oscars në 2017, kur dhe muzikanti u ul në gju dhe pyeti: “Ku ke qenë gjithë jetën time?”
Muaj më vonë, ata morën pjesë në Met Gala 2017 së bashku, por nuk u panë me njëri-tjetrin për një vit të tërë pas ngjarjes. Pasi u takuan në Met Gala në 2018, filluan të takoheshin dhe në dhjetor të atij viti, shkëmbyen betimet në dy ceremoni martese: një hindu dhe një të krishterë.
David Beckham e dinte se do martohej me Victoria-n para se ta takonte.
David Beckham dhe Victoria Beckham kanë një histori dashurie ëndërrimtare – dhe sipas yllit të futbollit, historia filloi para se të kryqëzoheshin rrugët e tyre.
Në vitin 2008, David i tha Ellen DeGeneres se e dinte se donte të martohej me Victoria pasi kishte parë Spice Girls në TV. “Isha në një dhomë hoteli me mikun tim më të mirë. Më kujtohet që u ktheva dhe thashë: “Unë dua të martohem me atë”, për Victorian.
Ish-anëtarja e Spice Girls u takua me Davidin në sallën e lojtarëve të Manchester United në vitin 1997. Që nga propozimi i martesës në vitin 1998, futbollisti ka vazhduar të tregojë vlerësim për gruan e tij dhe i ka dhuruar asaj më shumë se 14 unaza.
“Ne të dy e kuptojmë se jemi më të fortë së bashku sesa jemi si individë”, tha ajo për Vogue.
Çifti ka katër fëmijë Brooklyn, Romeo, Cruz dhe Harper.
Victoria vazhdoi, “A do të ishte ndonjëri prej nesh në pozicionin në të cilin jemi tani, nëse nuk do të ishim takuar dhe nuk do të kishim qenë bashkë gjatë gjithë atyre viteve më parë? Gjithçka ka të bëjë me njësinë e familjes. Ne jemi shumë më të fortë të gjashtë, sesa do të ishim nëse do ishim individë, ne e respektojmë lidhjen familjare dhe kjo është çelësi”.
Chrissy Teigen ishte frymëzimi për baladën e John Legend “All of Me”.
Kur ishte 20 vjeç, Teigen u shfaq në videoklipin e John Legend, atëherë 28 vjeç. Modelja ishte pjesë e videoklipit të tij “Stereo” në vitin 2006. Pas xhirimeve, ajo shkoi në hotelin e tij për t’i thënë lamtumirë dhe përfundoi duke qëndruar natën.
Çifti ka qenë së bashku që atëherë dhe kanë shkëmbyer betime në Liqenin e Komos, Itali në vitin 2013.
Gjithashtu në vitin 2013, Legend publikoi “All of Me”, një këngë dashurie që ai shkroi për Teigen.
“Ne mbështesim njëri-tjetrin në çdo gjë që bëjmë dhe më pëlqen ta shoh atë të ketë sukses në gjërat që i pëlqen të bëjë dhe asaj i pëlqen të shoh mua të kem sukses në gjërat që më pëlqen të bëj”, tha Legend.
Çifti ka 4 fëmijë, Luna Simone, 8, vjeç, Miles Theodore, 6 vjeç, Esti Maxine, 17 muajsh, and Wren Alexander, 11 muajsh.
Ashton Kutcher ishte puthja e parë për Mila Kunis.
Dyshja u takuan si aktorë në “That ’70 Show” të Fox-it dhe Kutcher ishte puthja e parë e aktores. Ata vazhduan të krijonin marrëdhënie me njerëz të tjerë përpara se të rilidheshin në Golden Globes në 2012. Kunis dhe Kutcher kanë qenë së bashku që atëherë dhe u martuan në vitin 2015.
Në një intervistë me Marie Claire, Kunis foli se si miqësia e saj me Kutcher evoluoi në një romancë.
“Një ditë, thjesht ndryshoi. Papritur, nuk ishte njësoj dhe unë isha vërtet krenare për veten që e pranova këtë”, tha ajo.
Aktorja shtoi: “Dita më e mirë e jetës sime deri më tani ishte propozimi. Unë qava. Unë isha një rrëmujë. Për të mos diskredituar asnjë lidhje në të kaluarën time, por kjo marrëdhënie është ndryshe”.
Dyshja kanë dy fëmijë, Wyatt dhe Dimitri.
Ryan Reynolds dhe Blake Lively filluan si miq.
Edhe pse të dy ishin të lidhur me njerëz të tjerë në atë kohë, Reynolds dhe Lively u takuan gjatë xhirimit të filmit të vitit 2010 “Green Lantern”. Pasi përfunduan marrëdhëniet e tyre përkatëse, aktorët filluan të takoheshin në vitin 2011 dhe përfundimisht u martuan në vitin 2012. Ata kanë tre fëmijë.
Lively foli për burrin e saj në një intervistë të vitit 2016 me Marie Claire.
“E dija se ai do të ishte gjithmonë shoku im më i mirë për gjithë jetën time. Kjo ishte gjëja më e madhe për mua. Nuk kisha njohur kurrë diçka si miqësia që kisha me të,” tha ajo.
