Çifti i famshëm “feston” divorcin

Amber Rose ka “festuar” dashurinë e saj për Wiz Khalifa duke iu bashkuar atij në një klub striptistesh për të treguar se më në fund marrëveshja për divorcin e tyre u zgjidh. Fotot e publikuara në mediat online tregojnë Amber dhe Wiz teksa numërojnë dollarët dhe më pas teksa i hedhin tek publiku. Amber ka përdorur llogarinë e saj në Twitter për të shprehur kënaqësinë e zgjidhjes së divorcit, nga i cili ajo do të përfitojë 1 milionë dollarë nga kontrata paramartesore plus 14.800 dollarë në muaj si mbështetje për djalin e tyre 3-vjeçar, Sebastian. Sipas “TMZ” çifti ka rënë dakort për kujdestarinë e fëmijës së tyre.