Ciara është në pritje të një fëmijë me Russell Wilson, me të cilin u martua rreth 3 muaj më parë. Këngëtarja ka bërë publik këtë lajm të bukur përmes një postimi në Instagram, pikërisht në ditën e saj të lindjes. Ciara ka publikuar një fotografi, e cila shfaqte Russell teksa përkëdhelte barkun e këngëtares.
“Në këtë ditëlindje speciale, kam marrë shumë dashuri nga miq dhe familjarë. Jam shumë e emocionuar të ndaj me ju një prej dhuratave më të mrekullueshme që Zoti mund të japë”, shkruan në postimin e saj këngëtarja, të cilin e ka shoqëruar me ikonën e një fëmije.
Russell ka publikuar të njëjtën fotografi me mbishkrimin: “Bekimi më i madh për të gjithë. Gjithmonë mirënjohës. #fëmija Wilson duke ardhur”. Ciara dhe Russell kurorëzuan dashurinë e tyre më 6 korrik 2016, pas një viti lidhje.
