Gjithmonë gjejnë një vend të veçantë për t’u “arratisur” për disa ditë e për të kaluar momente të bukura bashkë si çift. Bëhet fjalë për Marina Vjollcën dhe Getoar Selimin, të cilët duket se nuk lënë t’u humbasë asnjë rast për të vizituar vendet më të bukura rreth e rrotull botës. Jo vetëm në ditë speciale, si ditëlindje apo përvjetore, por ata gjejnë gjithmonë mundësinë për të zbuluar vende magjike që të gjithë ëndërrojmë t’i vizitojmë një ditë. Pavarësisht se nuk preferojnë të bëjnë publik çdo detaj nga jeta e tyre private, momente të veçanta nga udhëtimet nuk ngurrojnë asnjëherë t’i ndajnë me publikun. Vendet që kanë vizituar duhet të jenë të shumtë me siguri, megjithatë duket se ishujt ekzotikë mbeten të preferuarit e tyre. Së fundmi Marina dhe Getoari kanë zgjedhur të vizitojnë Kubën dhe nga çdo foto e publikuar në ‘Instagram’ duket se të dy po i shijojnë ditët e qëndrimit atje. Të tilla udhëtime përveçse shërbejnë për t’u relaksuar, por edhe për të krijuar kujtime të veçanta si çift. /revistawho.com
