Pas një kohe të gjatë mungesash në skenat shqiptare këngëtarja Çiljeta Xhilaga është rikthyer me klipin e ri “Gangsta Love”. Në një intervistë televizive për “Zonë e Lirë”, Çiljeta tregoi planet e saj për të ardhmen në fushën e muzikës e jo në politikë.
Pyetjes se cili ishte shkaku i largimit të saj nga strukturat e Partisë Demokratike, Çiljeta i është përgjigjur se ende nuk e di përgjigjen, por tha se nuk e kishin ftuar në “Këshillin Kombëtar”. Çiljeta mohoi që Greta Koçi të kishte ndikuar në ‘largimin’ e saj, ndërsa shtoi se komunikon ende me mesazhe me ishkryeministrin Sali Berisha.
Në intervistën e publikuar mbrëmjen e së premtes, Çiljeta tha se kishte në plan të zvogëlonte gjoksin dhe të fillonte xhirimet për një klip të ri muzikor.
“Do zvogëloj me 2 numra gjoksin, çdo gjë ka peshën e vet në trup dhe … kam dëgjuar shumë femra që i kanë zvogëluar. Nuk kanë pasur probleme. E kam menduar por s’e kam vendosur 100 për qind”, deklaroi Çiljeta.
Pjesë nga intervista e Çiljetës në emisionin “Zonë e Lirë”:
Po çfarë ndodhi Çiljeta, pse kjo ndarje?
Nuk me ftuan tek Këshilli Kombëtar.
Po kush ta futi kështu?
Nuk ka kush të ma fusi… s’jam e interesuar për këtë.
Greta Koçi?
Jo, ajo ka hyrë pas meje në PD. Me doktorin kam shumë marrëdhënie të mira, shkëmbejnë mesazhe. Tjetër gjë kë kam unë në zemër dhe i jap votën. Nuk është politika për mua. Ishte një eksperiencë shumë e bukur.
Me të majtët si i ke marrëdhëniet?
E kam shumë mirë me të gjithë.
Me Ramën je takuar?
Jo.
Po me Tahirin?
Jo, as me atë.
Kë njeh nga të majtët?
Në përgjithësi i njoh të gjithë. S’kam ndonjë afrimitet në fakt.
Me dritat si ke qenë?
Andej nga Liqeni na ikin ndonjëherë. Shoh që për natë ka patrulla policie në fakt dhe kjo gjë e mirë shumë. Kush është ministri i Energjetikes? S’e di.
panorama.com.al
Discussion about this post