Çiljeta Xhilaga është ndër të paktat artiste shqiptare që flet publikisht për ndërhyrjet e saj. Pak kohë më parë, ajo tregoi se iu nënshtrua një operacioni plastik për të zvogëluar gjoksin, si dhe një ndërhyrje të vogël në mjekër për të sjellë në formë përfekte fytyrën e saj, ndërsa sot, pranoi publikisht se ka vendosur t’i nënshtrohet një tjetër operacioni plastik. Bëhet fjalë për një liposkulpturë (rimodelim i trupit), ose ndryshe heqjen e dhjamit. Këngëtarja ka publikuar një video në ‘Instagram’ ku zbulon një pjesë të proçesit të ndërhyrjes dhe e ka shoqëruar atë me një mesazh për të gjithë nënat që nuk ndihen komode me trupin e tyre pas lindjes. “Ju e dini, unë nuk ju kam mbajtur asnjëherë asnjë sekret, sepse raporti ynë është ndërtuar mbi të vërtetën. Nuk më ka pëlqyer asnjëherë të gënjej, madje gjithmonë kam qenë kurajoze të flas hapur. Kjo ndërhyrje më ka bërë të ndihem më mirë dhe unë kam zgjedhur të jem e lumtur me veten time brenda natyralitetit, sepse lumturia është zgjedhje”, ka shkruar ajo. Çiljeta është shfaqur gjithmonë në formë perfekte, megjithatë presim që së shpejti të shohim rezultatet e ndërhyrjes./revistawho.com
https://www.instagram.com/p/BwUrdDogx64/
