Ishte viti 1982 kur Cindy Crawford, shkrepi një foto me bikini dhe kaq duhej që më pas të shndërrohej në modelen më “in” të viteve ’90.
“Isha 16 vjeç kur Roger Legal fotografi lokal i Illinois, më kërkoi të bëja një foto për gazetën e shkollës. Asokohe dëshiroja të bëhesha fizikante apo presidente dhe modelingu nuk ishte fare në shijet e mia. Por Legal më sugjeroi të shkoja në Çikago të lidhesha me agjent mode dhe kështu veprova. Pas kësaj fotoje nuk munguan fotosesionet e shumta, derisa një ditë e gjeta veten në shumë kopertina dhe shumë njerëz më cilësonin si një nga supermodelet e botës”, thotë Cindy Crawford aktualisht 50 vjeç për Vanity Fair.
