Magjia e cirkut më të famshëm italian, Marina Orfei, ka mbërritur më në fund në Tiranë dhe ka hapur dyert për publikun me shfaqje çdo ditë në orën 19:30, tek tenda e montuar pranë aneksit të stadiumit “Selman Stermasi”.
Këtë sezon, Marina Orfei vjen me numra krejtësisht të rinj, të kuruar deri në detaj për të emocionuar dhe argëtuar çdo brez. Akrobatë të guximshëm, kllounë të hareshëm, dhe për herë të parë, një spektakël impresionues me kafshë të egra si tigrat bengalezë, si edhe numra me qen të stërvitur, krijojnë një përvojë unike dhe të paharrueshme për fëmijë dhe të rritur.
Një shfaqje që zgjat 2 orë, në një ambient të freskët dhe mikpritës
Shfaqja nis çdo mbrëmje në një orar perfekt, ora 19:30, kur freskia e pasdites e bën ambientin shumë komod për të gjithë. Tenda është ndërtuar për të ofruar kushte ideale, dhe emocionet që përjetohen brenda saj nuk kanë të krahasuar.
Cirku Marina Orfei do të qëndrojë në Tiranë deri në fund të muajit qershor, dhe më pas do të zhvendoset në qytete të tjera të Shqipërisë, për t’i dhënë mundësinë të gjithëve të përjetojnë nga afër artin e mrekullueshëm të cirkut italian.
Një projekt i sjellë nga Redcloud
Ky spektakël vjen në Shqipëri falë Redcloud, kompania më e madhe dhe më e vjetër në vend për organizimin e ngjarjeve artistike dhe kulturore. Pas suksesit të jashtëzakonshëm me koncertin e Bryan Adams dhe realizimit të Samitit të Komunitetit Europian në Tiranë, Redcloud vazhdon të sjellë projekte që pasurojnë jetën kulturore të vendit.
Cirku Marina Orfei është vetëm një nga surprizat e këtij viti – dhe shumë të tjera janë në përgatitje!
Më shumë se argëtim – një përvojë që formon karakterin
Shfaqje të tilla janë jashtëzakonisht të rëndësishme për fëmijët, jo vetëm si burim argëtimi, por edhe si një mënyrë për të nxitur imagjinatën, socializimin, respektin për artin, dhe ndjeshmërinë ndaj botës së kafshëve. Ndjekja e një shfaqjeje si kjo ndihmon fëmijët të formojnë një lidhje më të fortë me familjen dhe moshatarët e tyre.
Po aq e rëndësishme është edhe për prindërit, që të ndajnë kohë cilësore me fëmijët e tyre, larg ekranit të celularëve dhe rutinës së përditshme. Cirku ofron një hapësirë të përbashkët ku emocionet, të qeshurat dhe surprizat përjetohen bashkë – një kujtim i bukur që mbetet gjatë në mendje.
🎟️ Biletaria fizike është e hapur çdo ditë nga ora 18:00, në hyrje të tendës pranë “Selman Stermasi”.
🌐 Ose, për më shumë lehtësi, mund t’i blini online në www.vivere.al
