Një nga momentet më emocionuese dhe të papritura të mbrëmjes në shtëpinë e “Big Brother VIP 5” ndodhi gjatë një darke speciale të organizuar nga Vëllai i Madh për banorët. Mateo vendosi të ndërmarrë një hap të rëndësishëm në raportin e tij me Brikenën.
Ndërsa të gjithë po shijonin darkën së bashku, Mateo iu afrua Brikenës dhe e ftoi në një kërcim romantik dhe më pas i propozoi që të bëhej e dashura e tij, duke lënë të gjithë pa fjalë.
Pjesë nga biseda:
Mateo: Ka qenë një rrugëtim i gjatë dhe i vështirë për të dy. Ti ma ke bërë këtë eksperiencë më të bukur dhe jam shumë mirënjohës që të kam ritakuar pas kaq vitesh. Dua që këtë lidhje ta vazhdojmë edhe jashtë këtyre mureve… madje dasmën më të madhe do ta bëjmë jashtë. Prandaj dua të të pyes: a do bëhesh e dashura ime?
Brikena: A je 100% i sigurt për këtë? Sepse unë kam filluar të ndiej diçka për ty.
Mateo: Po, unë po çmendem pas teje.
