Kampione e padiskutueshme e tenisit femëror, Serena Williams numëron mijëra fansa. Kësaj here ajo është shfaqur në një formë të pazakontë, duke dhënë spektakël në trotuarin më të populluar të Miamit. Teksa po xhironte një spot, gjatë kohës së pushimit Serena ka nisur të japë leksione “twerking” për kalimtarët. “‘Twerking’ është një kërcim mjaft popullor në këto kohë”, ka thënë ajo duke parë nga kamera e më pas ka ilustruar se si duhen lëvizur më së miri të pasmet. “Duhet të shtrëngosh vithet, të përkulësh kofshët me lëvizje të ngadalta dhe të largosh këmbët nga jashtë”, ka shpjeguar tenistja.
