Moti i nxehtë do të vazhdojë edhe të martën me temperatura të larta që shkojnë deri në 41 gradë Celcius, të cilat priten të thyejnë rekordin e nxehtësisë së vitit 2019, në Mbretërinë e Bashkuar.
“Met Office” ka lëshuar një paralajmërim për nxehtësinë ekstreme në të gjithë Mbretërinë e Bashkuar.
Si pasojë e temperaturave të larta pista e aeroportit “Luton” u mbyll për shkak të shkrirjes së sipërfaqes së saj, pasi Uellsi regjistroi ditën e tij më të nxehtë në rekord me Anglinë që do të pasonte më vonë me shpërthimin e zjarreve.
Temperaturat e larta kanë bërë që të anulohen trenat e të mbyllen edhe shkollat. Fluturimet u devijuan nga aeroporti, ndërsa inxhinierët u thirrën menjëherë në kantier dhe punimet e riparimit janë duke u zhvilluar për të rifilluar punën sa më shpejt të jetë e mundur. Temperatura më e lartë aktuale në Mbretërinë e Bashkuar është 38.7 gradë Celcius, në Kembrixh në vitin 2019, transmeton BBC. Temperaturat e larta parashikohen në të gjithë Mbretërinë e Bashkuar. Paralajmërimi i kuq për motin ekstrem të nxehtë është lëshuar për herë të parë nga Shërbimi Meteorologjik britanik, i cili hyri në fuqi sot, pasi autoritetet paralajmëruan për temperatura jashtëzakonisht të larta në disa pjesë të mbretërisë.
“Paralajmërimi i kuq do të zgjasë gjatë gjithë ditës së hënë dhe të martë kur temperaturat mund të arrijnë 40 gradë Celsius për herë të parë, duke vënë në rrezik jetët”, ka deklaruar Zyrës Meteorologjike.
