Cody Simpson është i dashuri perfekt, ndihmon Miley Cyrus të shërohet sa më shpejt pas operimit

Së fundmi Miley Cyrus i është nënshtruar një operacioni për kordat vokale dhe për disa javë i duhet të pushojë për t’u rikuperuar. Kjo periudhë duhet të jetë mjaft e vështirë për këngëtaren, por ajo ka gjetur mbështetje tek i dashuri i saj, Cody Simpson. “Cody po i qëndron pranë. Ata vazhdojnë të jenë mirë bashkë. Miley duket shumë e lumtur. Cody po sigurohet që ajo të mos mërzitet gjatë kohës që shërohet. Operacioni shkoi mirë dhe ajo po pushon në shtëpi tani. Ajo së fundmi e mori vesh se duhej të operohej”, ka thënë një burim për ‘People’. Gjithashtu ka shtuar se këngëtarja duhet të qëndrojë e heshtur për javë me radhë derisa kordat vokale të shërohen, sepse çdo sforcim mund të zgjasë më shumë këtë proces. Në këto muaj lidhje Cody i është përkushtuar shumë Miley-t dhe këtë gjë ai e ka pranuar edhe vetë publikisht. Ai ka treguar se është shumë romantik dhe se është i sigurt se Cyrus nuk ka përjetuar asnjëherë një eksperiencë të tillë në një lidhje. /revistawho.com