Tayna dhe Rina Balaj janë dy këngëtare të cilat kohët e fundit janë duke korrur mjaft sukses në tregun muzikor. Tayna është bërë e njohur për publikun me këngën “Columbiana” ndërsa Rina me “S’ka konkurrencë”, në bashkëpunim me reperin Fero. Të dyja këto këngë janë kthyer në hite dhe janë duke u dëgjuar shumë në çdo vend ku ka muzikë.
Kënga “Columbiana” nga fansat u cilësua si ‘diss’ i këngëtares Tayna kundrejt Rinës pasi në tekst ka fjalë të cilat duken me shumë tendencë. Lidhur me këtë Rina ka folur në një intervistë për “Mirage” ku tregon se ajo nuk e merr aspak si të tillë, pasi fjalët e nuk përputhen me atë.
“Kam parë që kanë dalë shumë repere të reja. Kam dëgjuar këngën e Taynas por nuk e kam takuar asnjëherë. Kënga është e mirë ama versioni anglisht më pëlqen më shumë. Nuk e kam marrë aspak si ‘diss’ ndoshta jam e vetmja por nuk mendoj se teksti përshtatet me mua”,- ka treguar Rina.
