Në mediat turke po flitet së fundmi se aktorii i njohur turk Rıza Kocaoğlu, i cili luan rolin e Aliços, mund të largohet nga seriali “Çukur”. Ky lajm është përhapur me shpejtësi, pasi mendohet se ‘Aliço’ do të largohet nga Çukur për t’ju bashkuar produksionit të ri “Telefono agjentin tim”, që është nga e njëjta kompani produksioni.
Pak kohë më parë dy aktorët e tjerë Cihangir Ceyhan dhe Berkay Ateş janë larguar nga “Çukur”. Sezoni i katërt i këtij seriali ka nisur transmetimin në Turqi më 7 Shtator 2020. Së shpejti ky sezon do të transmetohet edhe në ekranin e Tv Klan, ndaj na mbetet të presim për të parë nëse Aliço do të jetë pjesë e sezonit të ri.
