Kohët e fundit është përhapur si një lloj trendi festimi i ditëlindjes përgjatë një javë të tërë. Të njëjtën gjë ka vendosur të bëjë edhe Dafina Zeqiri për ditëlindjen e nënës së saj. Këngëtarja ka treguar nëpërmjet ‘Instagram’-it se ka udhëtuar drejt një ishulli ekzotik për të festuar ditëlindjen e së ëmës, që siç duket e ka gjatë kësaj jave.
Dafina ka thënë se ky është vetëm fillimi dhe për të shtrenjtën e saj duhet të ketë menduar edhe shumë surpriza të tjera. Në një video në të cilën shihet duke kërcyer me mamanë, Dafina ka shkruar: “Ajo nuk e dinte se ku po shkonte….kjo është asgjë mami, është vetëm fillimi”. Më pas ajo ka thënë se këto ditë do t’i shfrytëzojë për të pushuar pak dhe për të shijuar ishullin. /revistawho.com
