Dafina Zeqiri prej pak ditësh është “arratisur” në Maldives për të shijuar pak pushime me nënën dhe motrën e saj. Njësoj si vitin e kaluar të treja kanë zgjedhur ishullin e njohur për t’u larguar për pak kohë nga monotonia dhe ditët e ftohta të dimrit.
Përveçse kanë shijuar diellin e ngrohtë dhe detin, ato të treja kanë pasur mundësinë të provojnë ushqimet dhe pijet që serviren në vend.
Dafina ka ndarë momente të ndryshme nga këto pushime me ndjekësit e saj dhe ka postuar foto me nënën dhe motrën. Ajo ka treguar se ky udhëtim ka qenë pjesë e listës së gjërave që duhet të realizojë në jetë, për të bërë të lumtur edhe nënën e saj. “Pas kaq shumë vitesh duhet të realizoj listën time të arritjeve. Falenderoj Zotin për këtë mundësi dhe e di që nuk ka asgjë që mund të shpërblej atë që ti mami ke bërë për ne”, ka shkruar Dafina përkrah një fotoje me të ëmën dhe motrën.
Kujtojmë se familjarët e Dafina Zeqirit jetojnë në Suedi dhe këngëtarja i viziton herë pas here duke qenë se atje është rritur. /revistawho.com
