Shumë shpejt Dafina Zeqiri pritet të publikojë këngën e saj më të re, “A e man n’men”. Këngëtarja ka preferuar të tregojë një pjesë shumë të vogël nga skenat e videoklipit, që gjithçka tjetër të zbulohet në ditën e publikimit. Kënga e Dafinës do të jetë një histori dashurie dhe fansat e këngëtares po e presin me padurim. Për videoklipin e saj mesa duket këngëtarja është frymëzuar nga një nga filmat më të bukur të kinematografisë botërore, “Malena”. Ditën e sotme Dafina publikoi një sekuncë të shkurtër të videoklipit dhe vërehet se është shumë i ngjashëm me skenën më të famshme të dramës italiane. Dafina shfaqet në një vend të errët dhe në momentin që nxjerr një cigare disa meshkuj i afrohen për ta ndezur.
https://www.instagram.com/p/BubVtx6BsBx/
Në këtë moment të gjithëve na vjen në mendje Monica Bellucci, aktorja e famshme protagoniste e filmit “Malena”.
Në filmin italian Monica shfaqet si një femër fatale që me bukurinë e saj mahnit të gjithë meshkujt e qytetit gjatë luftës së dytë botërore, ndërsa për Dafinën ende nuk e kemi të qartë se në çfarë roli do të shfaqet në klipin e saj. Tashmë na duhet të presim dhe të shikojmë nëse i gjithë videoklipi i këngëtares do të jetë i ndërtuar duke u bazuar në historinë e dramës romantike. /revistawho.com
