Dy ditë më parë Dafina Zeqiri publikoi këngën e saj më të re “Vuj vuj vuj”, që u prit mjaft mirë nga fansat e saj. I gjithë videoklipi i këngëtares ishte punuar me shumë kujdes, për të sjellë diçka ndryshe shumë moderne. Në fund publiku merr esencën e një pune të gjatë, që për Dafinën duket se nuk ka qenë aspak e lehtë. Këngëtarja ka publikuar ditën e sotme një video të shkurtër përmbledhëse nga prapaskenat e xhirimit të klipit. Dafina ka treguar se gjatë xhirimeve nuk ka qenë mirë nga ana shëndetësore, pasi ishte ftohur dhe nuk duhej të lëvizte nga shtrati. Megjithatë duket se ajo nuk i ka ndjekur këto rregulla dhe ka dhënë maksimumin për të arritur më të mirën në klipin e këngës. “Prapaskenat e ‘Vuj vuj vuj’. U kënaqa shumë edhe pse isha keq nga gripi dhe nuk më lejohej të lija shtratin! Ftova një nga mbështetësit e mi më të mirë për të filmuar gjithë eksperiencën pas kamerave (gjithashtu sepse ai është një artist i ardhshëm)”, ka shkruar Dafina përkrah videos nga prapaskenat.
https://www.instagram.com/p/B6HVekghtAY/
Përmes saj Zeqiri vërteton edhe një herë se puna e këngëtarëve nuk është aq e lehtë sa duket në syrin e të tjerëve, duke qenë se duhet të sakrifikojnë shumë për të arritur perfeksionin. /revistawho.com
