Vazhdon të jetë një nga personazhet më të përfolur edhe pse ka lënë prej javësh shtëpinë e Big Brother. I pakënaqur me mediat që, sipas tij, nuk i kanë krijuar hapësirë, Damiano Agalliu ka treguar në gazetën Paloma planet e ardhshme.
Ai ka folur sigurisht edhe për Big Brother. Ka thënë që ruan marrëdhënie qytetare me Armelën dhe komunikon me të, pavarësisht që nuk e vazhdojnë marrëdhënien personale, por ka treguar edhe që nuk i ka mbaruar ende bombat. “Unë kam edhe disa materiale të tjera që do t’I shpërndaj për atë program. Ndoshta ndonjë video gjatë natës finale…”, ka thënë Damiano, për gazetën Paloma.
Megjithatë, ai ka befasuar kur ka shtuar që mllefin nuk e ka as me Top Channel dhe as me produksionin e Big Brother-it, të cilët, sipas tij, janë treguar shumë të sjellshëm me të.
Damiano ka thënë që e ka çdo gjë me Alessia-n, autoren italiane të programit. “Pse? Sepse ajo i gjeti me zor të gjithë sponsorët e këtij edicioni të Big Brother dhe tani vepron siç do vetë. Cilët kanë mbetur në lojë? Ata që jetojnë në Itali, si dhe ata që, siç e kanë treguar edhe foto që kam publikuar, njihen që jashtë. Dhe e dini pse nuk reagoi? Sepse i binte t’i nxirrte të gjithë dhe të futej vetë për të luajtur në atë shtëpi”.
Me këtë deklaratë, Damiano tregon që nuk është ai i vetmi që ka thyer rregullat, por meqë vetëm ai është ndëshkuar, ka të drejtën të mendojë që është sakrifikuar nga produksioni. Ndërkaq me televizionin ku u bë i njohur ka dashur të sqarojë marrëdhëniet. Ndërsa ambiciet e tij nuk e lënë ta mbyllë këtu gjithë këtë përvojë. Ai vazhdon të deklarojë që ka prova kundër produksionit dhe që do i shfaqë pikërisht natën finale, për t’i shpallur konkurrencë të hapur spektaklit të së shtunës./ Class
