Daniel Craig heq dorë nga “Agjenti 007”

Daniel Craig raportohet t’i ketë dhënë fund rolit të tij si James Bond për shkak të pjesëmarrjes së tij në një serial televiziv dhe thuhet se është shumë i zënë për ta riluajtur atë rol. Sipas “The Sun” ylli 47-vjeçar do të jetë protagonist në filmin “Purity”, i cili do të përmbajë në total 20 episode. Pa dyshim që ky lajm do të surprizojë fansat e Daniel të cilët janë mësuar për vite me radhë ta shohin atë si James Bond. Në fakt aktori hollivudian është shprehur në një nga intervistat e tij se dëshironte t’i jepte fund atij roli pasi duhet të niste një tjetër projekt. “Do të luaja përsëri atë rol vetëm nëse do të kisha nevojë për para”- ka deklaruar Daniel.