Në një intervistë të dhënë për revistën “Time Out”, aktori Daniel Craig është shprehur se dëshiron të largohet përfundimisht nga filmi James Bond.
Kur ai është pyetur nëse ishte i gatshëm të bënte një tjetër seri të filmin, Craig është përgjigjur: “Tani? Do preferoja më shumë të thyeja këtë gotë dhe të prisja damarët….Jam i rraskapitur mometalisht. I kemi dhënë fund. Ajo që dëshiroj të bëj tani është të lëviz”.
47-vjeçari ka luajtur rolin e spiunit britanik për të katërtën herë rresht. Aktori ka shtuar se ai nuk e di dhe nuk dëshiron të mendojë për serinë e ardhshme të filmit “007”, por nëse do pranonte përsëri atë rol, do ishte vetëm për para.
