Vendin e Danielit dhe Fotinisë e kanë zënë Musa dhe dy vajza, Kleodiana dhe Dona.
Musa është 25 vjeç dhe ka lindur në Vlorë. Në moshë të vogël ka emigruar drejt Italisë me familjen, në Romë, ku edhe jeton aktualisht. Ëndrra e tij më e madhe ka qenë të bëhej futbollist, por nuk mund të luante për shumë kohë sepse duhej të punonte e kujdesej për familjen. Aktualisht Musa punon si organizator party dhe është një person që përcjell shumë harmoni.
Kleodiana ka lindur në Cakran të Fierit dhe prej 8 muajsh jeton në Tiranë. Për Kleodianën jeta nuk ka qenë shumë e lehtë, por kjo gjë nuk e ka ndaluar që të ecë përpara. Prej disa muajsh është zhvendosur në Tiranë dhe përpiqet që të përqëndrohet vetëm te momentet e bukura, një ndër të cilat konsideron edhe lajmin e hyrjes në Big Brother. Sipas Kleodianës në këtë reality fiton i drejti dhe ai që është në qëndër të vëmendjes, dhe ajo ka besim se me cilësitë e saj do fitojë zemrën e atyre që e ndjekin.
Dona është 26 vjeç dhe vjen nga Mirdita. Për momentin ajo jeton në Tiranë, të cilën e cilëson si vendin e mundësive. Natyra e saj pozitive e ka ndihmuar që gjithmonë të jetë e rrethuar nga njerëz që e vlerësojnë dhe e mbështesin. Pasioni i Donës është modelingu, të cilin ka filluar ta ushtrojë para disa vitesh, duke pasur shumë sukses. Ajo është përfshirë në shumë evente të botës së modës dhe shpreson që në një të ardhme të mund të ndihmojë të rinjtë që kanë të njëjtat dëshira.
