Dario Zela ishte një nga vogëlushët që tërhoqi vëmendjen e të gjithëve tek “Gjeniu i Vogël”, madje “rrëmbeu” dhe zemrën e drejtueses së emisionit, Klea Huta. Tashmë kanë kaluar disa vite nga pjesëmmarja e tij në spektaklin e talenteve të vegjël dhe Dario si një i rritur merr pjesë në “Kënga Magjike”. Ditën e djeshme këngëtari 17-vjeçar konkuroi për herë të parë në festival në kategorinë “New Artist” me këngën “Për ty”.
Kënga ritmike u prit mjaft mirë nga juria dhe Dario u përgëzua për impenjimin dhe seriozitetin që tregoi për materialin e tij. Ai mori komplimenta në veçanti për punimin e këngës, për të cilën Dario kishte bashkëpunuar me vetë partnerin e Klea Hutës, Elgit Doda, dhe me artistin tjetër Alban Kondi. Në fakt kjo nuk ishte hera e parë që Dario punonte me Elgitin, pasi me herët ata kanë realizuar dhe një duet së bashku, këngën me titullin “Ndjenjë”. Siç duket Dario do e ketë përherë mbështetjen dhe besimin e çiftit Klea-Elgit, e prandaj rrugëtimi i tij në muzikë do të jetë akoma më i mbarë. /revistawho.com
