Prej ditësh, rrjetet sociale janë mbushur me zëra për atë që mund të ulet në karrigen e moderatores së “Fan Club BBVA”. Pas deklaratës së gjatë të Sara Gjordenit, duket se panorama është bërë edhe më e qartë, madje, dashje pa dashje, ajo mund të ketë zbuluar emrin e vetëm të mbetur në lojë.
Në reagimin e saj, Sara falënderoi publikun për mbështetjen dhe për të gjitha “mention”-et që ende merr, por sqaroi qartë se nuk është, nuk ka qenë dhe nuk ka konkurruar kurrë për të moderuar “Fan Club BBVA”. Ajo nënvizoi se aludimet për një “garë” mes emrave të vajzave janë “plotësisht të pavërteta”, duke kërkuar që portale të ndryshme të mos përdorin emrin e saj për krijimin e një rivaliteti që “nuk ekziston fare”.
Dhe pikërisht këtu vjen detaji interesant.
Edhe Egli Tako, një emër tjetër i përfolur për programin, doli më herët sot me një deklaratë të ngjashme, ku sqaroi se nuk do të jetë moderatore dhe madje theksoi se nuk ka marrë asnjë ofertë nga produksioni.
Kur dy nga emrat më të përfolur hedhin poshtë mundësinë…
Mbetet vetëm një emër i mundshëm.
Dhe ky emër është pikërisht Kiara Tito — e vetmja që nuk ka mohuar asgjë, ndërkohë që “BBVA” ka nisur përgatitjet për sezonin e ri.
Ndërkohë, Sara u përqendrua te planet e saj, duke treguar se aktualisht është fokusuar te Prime Skincare dhe se nga janari do të rikthehet në ekran me projekte të reja. Reagimin e mbylli me një falenderim të shkurtër e të ndjerë: “Ju kam zemër”, të firmosur me “SARA XX”.
