Jeta private e Cristiano Ronaldos është rikthyer sërish në qendër të vëmendjes, këtë herë për një moment të gëzueshëm. Sulmuesi 39-vjeçar i ka bërë propozimin romantik për martesë partneres së tij, Georgina Rodríguez, duke i dhuruar një unazë diamanti me vlerë disa milionë dollarë.
Lajmi u bë publik nga vetë Georgina në rrjetet sociale, ku ajo ndau me ndjekësit emocionin e këtij hapi të madh. Çifti, i cili ka gati dhjetë vjet lidhje, ka ndërtuar së bashku një familje të madhe me pesë fëmijë.
Sipas revistës portugeze TV GUIA, Ronaldo dhe Rodríguez kanë nënshkruar një kontratë paramartesore që daton që pas lindjes së vajzës së tyre të parë, Alana Martina, në vitin 2017. Marrëveshja parashikon që, në rast ndarjeje:
• Georgina do të marrë një pension mujor përjetë prej rreth 114 mijë dollarësh,
• si dhe pronësinë e vilës luksoze të Ronaldos në La Finca, Madrid, e cila vlerësohet mbi 5.6 milionë dollarë.
Ky dokument ligjor është menduar si garanci për sigurinë financiare të Georginës dhe fëmijëve të tyre, në mënyrë që familjes të mos i mungojë asgjë pavarësisht rrethanave.
Propozimi i Ronaldos ka ngjallur entuziazëm të madh mes fansave, të cilët presin me padurim lajmet e radhës për dasmën e çiftit më të përfolur të botës së futbollit.
