Një nga filmat më të dashur të viteve ’90, “My Best Friend’s Wedding”, pritet të rikthehet në ekran me një vazhdim. Komedia romantike, e cila u bë një sukses global që në debutimin e saj në vitin 1997, kishte në rolet kryesore Julia Roberts, Cameron Diaz dhe Dermot Mulroney. Historia e dashurisë, miqësisë dhe zgjedhjeve të vështira i preku zemrat e miliona shikuesve dhe është sot një klasik i padiskutueshëm i zhanrit.
Sony Pictures ka angazhuar regjisoren Celine Song – e nominuar për Oscar për filmin “Past Lives” – për të shkruar skenarin e vazhdimit. Kthimi i kastit origjinal, veçanërisht Roberts në rolin e Julianne, ka ngjallur entuziazëm dhe nostalgji mes fansave. Ende nuk janë bërë të ditura detajet e fabulës, por burime pranë studios thonë se vazhdimi do të trajtojë temën e miqësive afatgjata dhe ndryshimeve që sjell koha.
