Virusi ‘Covid-19’ i ka mbyllur në shtëpi prej disa ditësh qytetarët, kjo si masë për parandalimin e përhapjes së tij. Gjatë kësaj periudhe çiftet po kalojnë gjithnjë e më shumë kohë me njëri-tjetrin duke lënë pas çdo aktivitet në axhendën e tyre. Disa prej tyre kanë postuar foto nga shtëpia duke na treguar si po i kalojnë këto ditë e të tjerë u janë rikthyer kujtimeve të vjetra.
Loredana dhe Zuna ndonëse e mohuan lidhjen e tyre, po jetojnë bashkë. Çifti ka postuar një foto nga shtëpia e tyre ku janë vetëkarantinuar dhe kanë bërë të ditur se gjatë kësaj kohe kanë punuar edhe për një këngë të re.
Venera dhe Lindi gjithashtu kanë postuar një foto të përqafuar në shtëpinë e tyre. Çifti janë shumë aktiv në rrjete sociale duke sjellë edhe duete për fansat.
Nga shtëpia e tyre kanë postuar gjithshtu foto edhe Xhensila me Besin. Çifti po i kalon bukur këto ditë duke shijuar në maksimum rritjen e vogëlushes së tyre Ajkës dhe ndërkohë duke ndarë rutinën e ditës së tyre me fansat në ‘Instagram’.
Edhe pse nuk e kanë konfirmuar lidhjen e tyre publikisht, Oriola Marashi dhe Eros Grezda po i kalojnë bashkë këto ditë. Çifti ka postuar foto nga i njëjti vend duke treguar se janë karantinuar së bashku.
Ndërsa Fatma dhe Alfio janë larguar për pak kohë nga qyteti duke shijuar fshatin, së bashku me vogëlushin e tyre. Gjatë kësaj kohe Fatma i është rikthyer fotografive të vjetra nga udhëtimet e tyre duke u shprehur se i mungojnë ato ditë.
Rina dhe Sinboy kanë vendosur të qëndrojnë në Durrës këtë periudhë. Ata po e shfrytëzojnë vetëizolimin për të punuar në albumin e ri. Çifti kishin planifikuar të udhëtonin në Bali, por ‘koronavirusi’ ua prishi planet. Megjithatë në këtë mënyrë do të fokusohen tek muzika për të sjellë sa më shpejt këngë të reja./revistawho.com
