Regjisori i njohur, Namik Ajazi ishte i ftuar pasditen e djeshme tek Rudina për të rrëfyer eksperiencën e tij pas trofeut të fituar në Festivalin e Filmit për projektin kinematografik të quajtur ‘Amanet’. Ndër të tjera ai ka folur edhe për historinë e dashurisë me Majlinda Bregun.
“Jemi njohur në ‘TVSH’. Ishte një moment në vitin 1994 kur u fol për një epidemi kolere. Unë vij nga Telenorba për të xhiruar diçka, ndërsa Majlinda asokohe bashkëpunonte me televizionin. Ishte në vitin e fundit të fakultetit të shkencave sociale dhe punonte si gazetare dhe spikere lajmesh në orën 20:00. Kështu që bëmë një udhëtim bashkë për të xhiruar kronikën. Kjo u bë shkaku i njohjes, pas të cilës ne filluam të takoheshim. ‘Dashuri në kohërat e kolerës’ tamam, kështu duhet thënë. Bashkëpunuam edhe për disa cikle të tjera në televizionin shqiptar, si ‘Jetë e shitur në trotuare’, ‘Prostitucioni’ dhe i fundit ishte ‘Dasma tjetër’ në 2005-ën, pas së cilës ajo u fut në politikë dhe u bë deputete e më pas ministre. Këtu filluan të ndahen gjërat. Deri në atë kohës, Kejdës i thonin që është vajza e Nikos, që pas asaj kohe thuhet ‘e bija e Majlinda Bregut’, babai nuk është pohoi duke qeshur Ajazi. Ky moment u shoqërua edhe me të qeshurat e publikut në studio.
Kujtojmë se prej disa kohësh Majlinda është shkëputur nga Shqipëria, megjithatë kthimet e saj në vendlindje janë të shpeshta./revistawho.com
