Aktorja Ema Andrea ka një lidhje shumë të fortë me vajzën e saj Sara Kapo. Nënë e bijë herë pas here shfaqen së bashku në publik dhe nuk harrojnë që gjithmonë të shprehin dashurinë e madhe që kanë për njëra-tjetrën. Dita e sotme është e shënuar për të dyja duke qenë se përpara 24 vitesh ka ardhur në jetë Sara, vajza e vetme e Ema Andreas. E normalisht në këtë ditë nuk mund të mungonte urimi i mamit për vajzën. Në profilin e saj të ‘Instagram’-it Ema Andrea ka postuar një foto të Sarës dhe ka shkruajtur disa fjalë që çdo nëne i dalin prej shpirtit për fëmijën e saj: “E dashur Jetë, kuptova ekzistencën tënde 24 vjet më parë kur lindi drita e syve! Gëzuar ditëlindjen! Dashuria ime e vetme e vërtetë”.
