Einxhel Shkira, e ftuar në emisionin “Wake Up”, foli për eksperiencat e saj profesionale si dhe për jetën familjare. Moderatorja, e cila ka një djalë me partnerin e saj, Dj Dagz, zbuloi se ai është një promovues i prindërimit.
“Dagzi është personi që u thotë më shumë njerëzve të bëjnë fëmijë. Ai i inspiron të gjithë, sidomos shokët, duke u thënë ‘bëje, bëje’,” u shpreh Einxhel.
Lidhur me planet për dasmë, ajo tregoi me humor: “Dagzi ka vendosur të bëjmë fëmijë të tjerë para dasmës. Ose ndoshta është thjesht një justifikim për ta shtyrë dasmën, nuk e di.”
Sa i përket zgjerimit të familjes, Einxhel zbuloi se dëshiron një fëmijë tjetër: “Në planet tona është edhe një fëmijë tjetër. Në ëndrrat e mia kanë qenë katër fëmijë, por do shohim sa na jep Zoti.”
Çifti, i cili nisi lidhjen brenda shtëpisë së “Big Brother VIP 1,” tashmë janë prindër të një djali me emrin Trev.
