Futbollisti shumë i dashur nga publiku, David Beckham ishte i ftuar në programin “Desert Island Discs” ku përveç futbollit, nënës për të cilën tregoi se e ka shoqëruar në ndeshjet e futbollit, foli edhe për bashkëshorten e tij prej 18 vitesh, Victoria-n. “Nuk ka qënë e lehtë në fillim. Ajo ishte pjesë e grupit “Spice Girls” dhe menaxheri im kërkonte që të mos dilnim në publik. Shkëmbenim puthje dhe kalonim pak kohë fshehtas. Jemi akoma bashkë sepse e bazojmë dashurinë tonë në një unitet të fortë familjar. Kemi pasur prindër që na kanë mësuar vlerat e duhura. E dimë që martesa është e vështirë ndonjëherë, por duhet rezistuar bashkë, pavarësisht kohëve të këqija. Unë dhe Victoria e njohim mirë njëri tjetrin. Jemi bashkë sepse e duam njëri tjetrin dhe kemi 4 fëmijë të mrekullueshëm”, -tha Beckham./revistawho.com
David Beckham deklaratë dashurie Victorias: E bazojmë dashurinë tonë në një unitet të fortë familjar
