David dhe Victoria Beckham janë një nga çiftet më të dashur të showbiz-it të huaj. Dyshja publikon herë pas here momente të ndryshme në rrjetet sociale, duke i treguar të gjithëve një pjesë të rutinës së tyre.
Ditën e sotme futbollisti feston ditëlindjen e tij të 44-t dhe partnerja e tij ka zgjedhur ta urojë me anë të një fotoje ku duart e dyshes janë të bashkuara dhe krah saj ka shkruar: “Gëzuar ditëlindjen, ti je gjithçka e jona. Të duam shumë”.
Menjëherë pas këtij urimi, në ‘Instagram-in’ e Victoria-s kanë mbërritur dhe shumë komente të adhuruesve të çiftit, të cilët e uronin atë për ditëlindjen e bashkëshortit.
Kujtojmë se dyshja është përfolur shumë se disa kohë më parë marrëdhënia e tyre pësoi një periudhë krize, megjithatë pas disa muajsh çdo gjë u kthye në normalitet dhe tashmë ata duken shumë të lumtur krah njëri-tjetrit./revistawho.com
