Pas thashethemeve që martesa David-Victoria Beckham është në krizë, më në fund ish-futbollisti i ka dhënë fund këtyre spekulimeve, duke treguar se sa shumë i mungon familja dhe bashkëshortja e tij Victoria.
Pas një udhëtimi në Dubai, David ka publikuar një fotografi në llogarinë e tij të “Instagram”-it, ku shihet me tre miqtë e tij të veshur si Freddie Mercury.
Bashkangjitur fotografisë, David ka shkruar: “Kam qëndruar larg shtëpisë sime për një kohë të gjatë. Po pres me padurim të shkoj në shtëpi për të takuar bashkëshorten time të bukur dhe fëmijët e mi të mrekullueshëm”.
Pa dyshim, përmes këtij postimi David ka dashur të tregojë se divorci nuk është aspak në planet e tij.
