Së fundmi ka nisur një debat virtual mes tre këngëtarëve kosovarë Blero, Labinot Tahiri dhe Getinjo. Shkak u bë një intervistë e Labinot Tahirit, i cili i ftuar në emisionin “Sing my song” u shpreh se një projekt nuk është publikuar kurrë për shkak të Blero Muharremit pasi ky i fundit kishte kërkuar largimin e reperit nga bashkëpunimi.
Kjo deklaratë solli replika midis këngëtarëve në llogaritë e tyre personale në Instagram.
I ftuar në një intervistë për “Prive”, Labinoti ka treguar se është I vendosur në atë çfarë ka thënë dhe nuk e tërheq fjalën e tij.
“E kam thënë dhe mund ta thërrasim dhe Getinjon për ta vërtetuar. Çfarë të them ashtu është. Nuk konsultohem me askënd për atë që marr përgjegjësi dhe e them. Ashtu ka qenë dhe nuk e ndryshoj. Po të mos kishte qenë nuk e kisha përmendur. Ashtu ka qenë por e ka keqkuptuar kolegu ynë”, ka treguar Labi.
Tani na mbetet veçse të presim reagimin e Bleros.
https://www.youtube.com/watch?time_continue=1&v=-gMfTAgrQRE&feature=emb_title
