Prej disa javësh në media po qarkullon një akuzë që gazetari Mustafa Nano ka bërë ndaj prezantueseve të emisioneve sportive, Bora Zemani dhe Ilda Bejleri duke i quajtur ato shumë të zhveshura.
Më në fund ka reaguar prezantueja Ilda Bejleri, e cila nëpërmjet një statusi të publikuar në “Instagram” e ka quajtur gazetarin e njohur “llumin” e analistëve.
“Ndjesë, që nuk kam reaguar më parë por kam qenë e impenjuar në një projekt shumë domethënës për shqiptarët! “Rikthimi i Dallëndysheve”, që kishte për qëllim rikthimin e talenteve që na bëjnë krenar jashtë Shqipërisë dhe nuk doja të njollosja këtë super event, me “llumin” e opinionistëve që na rrethojnë. Ndoshta kjo është një nga arsyet që “dallëndyshet” kanë vendosur të shtegtojnë larg, sepse vlerat në këtë vend nuk përfillen dhe të eturit për vëmendje bëjnë gjith çka për të dal në sipërfaqe, madje duke shkelur dhe mbi identitetin e kujtdo, për më tepër duke dalë dhe kundër një ish-studenteje që është diplomuar për gazetari! Mendoj që “policin” e minifundit dhe dekoltesë ta dërgojmë dhe në Itali se mbase aty gjen paqe. Tani që po qëndroj në dhomën time pyes veten: Imagjino të kishte gjoks vetë ky polici? Çfarë do ishte vallë dhe çfarë do bënte për 5 minuta “famë” ps. Emisionin ja mbani mend besoj! Në çfarë ore dhe ku transmetohet”- ka shkruar Bejleri bashkangjitur një videoje të shkëputur nga një emision sportiv i televizioneve italiane./revistawho.com
https://www.instagram.com/p/Bgd-sCABo00/
